ပရိုဂျက်စတင် (Progestin)နဲ့ အီစထရိုဂျင် (Estrogen) ဆိုတဲ့ ဟော်မုန်းနှစ်မျိုးကို ပမာဏ အနည်းငယ်စီ ထည့်သွင်းထားတဲ့ ဟော်မုန်းပါ သန္ဓေတားဆေးကို သောက်နေသူ အိမ်ထောင်ရှင် အမျိုးသမီးတွေအနေနဲ့ ကိုယ်ဝန်မရစေဖို့ တစ်နေ့တစ်လုံး မှန်မှန် သောက်သုံးဖို့ လိုပါတယ်။ ဒီဟော်မုန်းတွေက သားဥအိမ်ကနေ သားဥမကြွေအောင် တားဆီးပေးပါတယ်။ ဒါပေမဲ့ ဒီဆေးတွေကို သောက်တာကြောင့် လိင်ကနေတစ်ဆင့် ကူးစက်ရရှိနိုင်တဲ့ ရောဂါပိုးတွေကို မကာကွယ်နိုင်ပါဘူး။
သန္ဓေတားသောက်ဆေး သောက်ခြင်းဖြင့် ရရှိနိုင်သော ကောင်းကျိုးများ
သန္ဓေတားသောက်ဆေးကို အညွှန်းအတိုင်း၊ မြားအတိုင်း နေ့စဉ်မှန်မှန် (Sex ကိစ္စ ရှိသည်ဖြစ်စေ၊ မရှိသည်ဖြစ်စေ သောက်ပေးရပါမယ်) သောက်ပေးရင် အမျိုးသမီး အားလုံးနီးပါး (အမျိူးသမီး ၁၀၀ မှာ တစ်ဦးပဲ ကိုယ်ဝန်ရနိုင်ခြေရှိ) ကို ကိုယ်ဝန်မရရှိအောင် တားဆီးပေးနိုင်ပါတယ်။ ရရှိနိုင်တဲ့ တခြားကောင်း ကျိုးတွေကတော့
- ရာသီအကြိုနဲ့ ရာသီလာစဉ် ဖြစ်တတ်တဲ့ နာကျင်ကိုက်ခဲမှု ဝေဒနာကို သက်သာစေတယ်၊ သားအိမ်ကင်ဆာကို ကာကွယ်ပေးတယ်၊ အတွင်းမျိုးဆက်ပွား အင်္ဂါတွေ ရောင်ရမ်းမှု မဖြစ်အောင် ကာကွယ်ပေးတယ်၊ သားဥအိမ်မှာ ရေအိတ်မတည်အောင် ကာကွယ်ပေးနိုင်သလို ရေအိတ်ငယ်တွေ ရှိရင်လည်း ရောဂါလက္ခဏာတွေကို သက်သာစေပါတယ်။ ဒီဆေးကို တိတိကျကျနဲ့ မှန်မှန်ကန်ကန် သောက်မယ်ဆိုရင် အလွန်ထိရောက်စွာ သန္ဓေတားနိုင်ပါတယ်။ ဒီဆေးကို ရပ်ပြီးတာနဲ့ ချက်ချင်း ကိုယ်ဝန်ရနိုင်ခြေ ရှိပါတယ်။
သန္ဓေတားသောက်ဆေး သောက်ခြင်းဖြင့် ရရှိနိုင်သော ဆိုးကျိုးများ
နေ့စဉ် မပျက်မကွက်၊ မမေ့မလျော့ သောက်နေရပါတယ်။ သန္ဓေတားဆေး သောက်သုံးတဲ့ အမျိုးသမီးတချို့မှာ အောက်ပါဆိုးကျိုးတွေ ရရှိတတ်ပါတယ်။ ပျို့ချင်အန်ချင် ဖြစ်တယ်၊ စိတ်ခံစားမှု အပြောင်းအလဲတွေ ဖြစ်နိုင်ပါတယ်။ ဝက်ခြံတွေ ပိုဆိုးလာတယ် (တချို့အမျိုးသမီးတွေမှာ ဝက်ခြံသက်သာလာပါတယ်)၊ ကိုယ်အလေးချိန်တက်လာတာ၊ ကျသွားတာ ဖြစ်တတ်တယ်၊ ခေါင်းကိုက်တာနဲ့ ခေါင်းမူးတာ ဖြစ်နိုင်ပါတယ်၊ ရာသီလာတဲ့ ပုံစံပြောင်းလဲတာ (ဥပမာ- ရာသီပုံမှန် မလာတာ၊ ရာသီသွေး နည်းသွားတာ၊ ရာသီလာတဲ့ အကြိမ်ရေ ပုံမှန်မဟုတ်တော့တာ)၊ ရင်သားတွေ တင်းမာတာစတဲ့ ဆိုးကျိုးတွေ ဖြစ်နိုင်ပါတယ်။