အာရောဂျံ | Fastest Loading Responsive Blogger Template 2015

လိင်ဆက်ဆံရာမှာ အမျိုးသမီးတွေ ကြုံရတဲ့ ကျန်းမာရေး ပြဿနာကြီး ၆ ခု

လူတိုင်းလူတိုင်းမှာ မတူညီတဲ့ ကိုယ်ခန္ဓကိုယ် တည်ဆောက်ပုံရှိနေတာမို့ တဦးနဲ့ တဦး ကျန်းမာရေးမတူညီနိုင်ကြပါဘူး။ ဒါပေမယ့် အမျိုးသမီးတွေမှာတော့ ကြုံတွေ့ရတဲ့ လိင်ပိုင်းဆိုင်ရာ ကျန်းမာရေး ပြဿနာ ၆ ခုကတော့ တူညီကြပါတယ်။ ဒါပေမယ့် ရောဂါသိ အဖြေရှိဆိုသလို အမျိုးသမီးတွေ ကြုံတွေ့ရတဲ့ ကျန်းမာရေး ပြဿနာတွေအတွက် အဖြေဆိုတာရှိစမြဲ ပါပဲ။ အရေးကြီးဆုံးကတော့ ကိုယ်ဘာဖြစ်နေသလဲဆိုတာ သေသေချာချာ သိဖို့ပါပဲ။ ဒီတပတ်ရဲ့ လိင်ဆက်ဆံမှုဆိုင်ရာ အသိပညာပေးအဖြစ် အမျိုးသမီးတွေ ဘာတွေကြုံတွေ့ရလဲ၊ ဘယ်လိုဖြေရှင်းနိုင်မလဲဆိုတဲ့ အကြောင်းအရာတွေကို ဖော်ပြ လိုက်ပါတယ်။

ချောဆီ ပြဿနာ

အမျိုးသမီးတိုင်း လိင်ဆက်ဆံချိန်မှာ အမြဲလိုလို ကြုံတွေ့ရတဲ့ ပြဿနာကတော့ လိင်အင်္ဂါက လုံလောက်တဲ့ ချောဆီ မထွက်လာဘဲ လိင်ဆက်ဆံစဉ်မှာ နာနာကျင်ကျင် ခံစားရပါတယ်။ ဒါက ပြင်ပမှာ လိင်ဆက်ဆံဖို့ အမျိုးသမီးကို နမ်းရှုံ့ လှုံ့ဆော်တာမျိုးမလုပ်တော့ဘဲ တိုက်ရိုက် လိင်ဆက်ဆံတာကြောင့် အမျိုးသမီးအင်္ဂါမှာ လုံလောက်တဲ့ ချောဆီ မထွက် လာတော့ဘဲ နာကျင်တာ ဖြစ်နိုင်သလို အမျိုးသမီးရဲ့ ကိုယ်ခန္ဓာ ပင်ပန်းနွမ်းနယ်ပြီး ဖိစီးမှုတွေကြောင့်လည်း ချောဆီ မထွက် တော့ဘဲ နာကျင်တာဖြစ်နိုင်ပါတယ်။ အမျိုးသမီးလိင်အင်္ဂါက နူးညံ့တဲ့ အရေပြား တစ်ရှုးတွေ ဖွဲ့စည်း ထားတာမို့ ချောဆီ မပါဘဲ လိင်ဆက်ဆံ လိုက်မယ်ဆိုရင်တော့ အဲဒီတစ်ရှုးတွေ ပေါက်ပြဲတာ ၊ ကွဲထွက်တာမျိုးတွေ ဖြစ်ပြီး နာကျင်မှု ခံစား ရတာဖြစ်ပါတယ်။ ဒီပြဿနာကိုတော့ ရေကို အခြေခံလုပ်ထားတဲ့ချောဆီတွေ အသုံးပြုပြီး ဖြေရှင်း နိုင်ပါတယ်။ ရေကို အခြေခံ ဖော်ထုတ်ထားတဲ့ ချောဆီတွေက လွယ်လွယ်ကူကူ အသုံးပြုနိုင်တဲ့အပြင် ဘေးကင်း လုံခြုံမှု လည်း ရှိပါတယ်။

ဆန္ဒမပြည့်ဝခြင်း

အမျိုးသမီးတွေ လိင်ဆက်ဆံတဲ့အခါ သာယာမှု အထွတ်အထိပ်မရောက်တာကလည်း ကြီးမားတဲ့ ကျန်းမာရေး ပြဿနာ တခုပါပဲ။ ဒီကျန်းမာရေး ပြဿနာကတော့ လိင်ဆက်ဆံရာမှာ အရှက်အကြောက်ကြီးနေတာ၊ အတွေ့အကြုံ မရှိတာ၊ လိင်ဆက်ဆံမှုဆိုင်ရာ ဗဟုသုတမရှိတာတွေအပြင် စိတ်ပိုင်းဆိုင်ရာ ကစဉ့်ကလျား ကြောင့်ဖြစ်နိုင်သလို လိင်ပိုင်းဆိုင်ရာ အကြမ်းဖက်ခံရတဲ့ စိတ်ဒဏ်ရာတွေရှိတာကြောင့်လည်း ဖြစ်ပါတယ်။ လိင်ဆက်ဆံတိုင်း ဆန္ဒမပြည့်ဝတဲ့ ပြဿနာ ဖြစ်နေတယ်ဆိုရင်တော့ ကျွမ်းကျင်သူတွေနဲ့ ပြသတိုင်ပင် ကုသသင့်ပါတယ်။

ပုံမှန်မဟုတ်သော ရာသီသွေးဆင်းခြင်း

ပုံမှန်မဟုတ်တဲ့ ရာသီသွေးဆင်းခြင်းကလည်း အမျိုးသမီးတွေမှာ လိင်ဆက်ဆံမှုဆိုင်ရာ ပြဿနာတွေဖြစ်စေပါတယ်။ ရာသီသွေးဆင်းပြီးချိန်မှာ အမျိုးသမီးတွေရဲ့ ၀မ်းဗိုက်ပိုင်းက အထိအခိုက်မခံနိုင်အောင် နူးညံ့နေတတ်ပြီး ဒါကလည်း အမျိုးသမီးတဦးနဲ့ တဦး တော့ တူညီမှုမရှိနိုင်ပါဘူး။ ရာသီလာပြီးတဲ့နောက်ပိုင်း လိင်ဆက်ဆံမယ်ဆိုရင် အမျိုးသမီးတွေကို ထိခိုက်နာကျင်စေနိုင်ပါတယ်။ ဒါပေမယ့် ဒါကလည်း အမျိုးသမီးတဦးနဲ့ တဦး မတူညီနိုင်ပါဘူး။ ပုံမှန်မဟုတ်တဲ့ ရာသီသွေး ဆင်းနေတယ်ဆိုရင် ကျွမ်းကျင်သူ ဆရာဝန်ဆီ သွားပြတာ အကောင်းဆုံးပါပဲ။

လိင်ဆက်ဆံမှုကို သက်ရောက်စေနေသော ကျန်းမာရေးအခြေအနေများ

နှလုံးရောဂါ ၊ ဟော်မုန်းဓာတ် မညီမမျှ ဖြစ်တာ၊ နာတာရှည် ရောဂါတွေဖြစ်တဲ့ ကျောက်ကပ်ရောဂါ၊ စိတ်ရောဂါ ၊ သွေးဆုံးကိုင် နဲ့ အလွန်အကျွံ့ ဆေးသုံးစွဲမှုတွေကြောင့် ဖြစ်တဲ့ရောဂါတွေက လိင်ဆက်ဆံမှုမှာ ကျန်းမာရေး ဆိုင်ရာ အခက် အခဲနဲ့ ပြဿနာတွေ ဖြစ်ပေါ်စေပြီး လိင်ဆက်ဆံလိုစိတ်ကို ထာဝရ ပျောက်ဆုံးသွားစေနိုင်ပါတယ်။ လုံလောက်တဲ့ ဆေးဝါးကုသမှုတွေ ခံယူမယ်ဆိုရင်တော့ အများစုက ပုံမှန် လိင်ဆက်ဆံမှု ပြန်လည်ရရှိနိုင်ပါတယ်။

လိင်ဆက်ဆံမှုမှ တဆင့် ဖြစ်ပေါ်လာသော ပြဿနာများ

သားအိမ်အရည်အိတ်ဖြစ်တာ ၊ အမျိုးသမီးအင်္ဂါ (ယောနိ) ရောင်ရမ်းတာ၊ မှိုဆွဲတာ ၊ ၀မ်းဗိုက်ပိုင်းနဲ့ တင်ပါးဆုံပိုင်းမှာ အပြင်းအထန် နာကျင်ခြင်း (Endometriosis) ဆိုတဲ့ ကျန်းမာရေး ပြဿနာတွေက လိင်ဆက်ဆံမှုကနေ တဆင့် ဖြစ်ပေါ် လာတာဖြစ်ပါတယ်။ ဒီလို ကျန်းမာရေး ပြဿနာတွေကိုတော့ ဂရုတစိုက်နဲ့ ကုသသင့်ပါတယ်။ ဘာဖြစ်လို့လဲ ဒီကျန်းမာရေး ပြဿနာတွေက ကုသရခက်ခဲပြီး မကုသရင်တော့ ဘယ်တော့မှ မသက်သာတဲ့ ရောဂါတွေဖြစ်ပါတယ်။ ကုသလိုက်မယ်ဆိုရင်တော့ ရေရှည်မှာ ပြဿနာကင်းတဲ့ လိင်ဆက်ဆံမှုဆိုင်ရာ သာယာမှုတွေ ပြန်လည်ရရှိနိုင်ပါတယ်။ မကုသဘဲ ထားမယ်ဆိုရင်တော့ လိင်ဆက်ဆံတိုင်း အမျိုးသမီးတွေအတွက် နာကျင်မှုကို ခံစားစေရမှာဖြစ်ပါတယ်။

စိတ်ပိုင်းဆိုင်ရာ ပြဿနာများ

အမျိုးသမီးတွေ အများဆုံးကြုံတွေ့ရတဲ့ လိင်ဆက်ဆံမှုဆိုင်ရာ ပြဿနာတခုကတော့ လိင်ဆက်ဆံနေစဉ်အတွင်း စိတ်လှုပ်ရှားခြင်းနဲ့ စိတ်ဂယောက်ဂယက်ဖြစ်ခြင်းပါပဲ။ စိုးရိမ်စိတ်များတာနဲ့ စိတ်ဖိစီးမှုများက အမျိုးသမီးရဲ့ ကိုယ်ခန္ဓာကိုယ် အတွင်းမှာရှိတဲ့ ဟော်မုန်းတွေ မညီမမျှ ဖြစ်စေပြီး သာယာမှု အထွတ်အထိပ်မရောက်တာ၊ လိင်ဆက်ဆံသူနဲ့ အမျိုးသမီး ကြားမှာ ကျေနပ်မှုမရတာတွေဖြစ်စေပါတယ်။ အကြောက်တရားနဲ့ ဖိအားတွေကလည်း အမျိုးသမီးတွေအတွက် လိင်ဆက်ဆံမှုဆိုင်ရာ ပြဿနာတွေ ဖြစ်ပေါ်စေပါတယ်။ ဖျားနာပြီးကိုယ်လက် မအီမသာဖြစ်နေတဲ့အချိန်၊ အလိုမတူဘဲ ဆက်ဆံနေရတဲ့အချိန်၊ လိင်ပိုင်းဆိုင်ရာ စိတ်ဒဏ်ရာရှိနေတာ၊ အလုပ်ဖိအားတွေက အမျိုးသမီးတွေအတွက် ပုံမှန် လိင်ဆက်ဆံ မှုမှာ အနှောင့်အယှက် အတားဆီးတွေ အဖြစ် အများဆုံး နေရာယူလာပါတယ်။ ဒါကို ကုသဖို့ကတော့ကိုယ့် စိတ်ဖိအား တွေကို တတ်နိုင်သမျှ ထိန်းသိမ်းဟန့်ထားပြီး မေ့ပျောက်ထားရမယ်ဆိုရင်တော့ သာယာပျော်ရွှင်တဲ့ လိင်ပိုင်း ဆိုင်ရာ သုခတွေ ပြန်လည်ရရှိနိုင်ပါလိမ့်မယ်။

From-ဧရာဝတီ

မရှောင်နိုင်ရင်တော့ သတိထားရမယ့် Oral Sex

Oral Sex ဆိုတာက လူတဦးရဲ့ ပါးစပ်၊ သွား၊ လျှာ ၊ လည်ချောင်းတွေနဲ့ လူတဦးရဲ့ လိင်အင်္ဂါတို့ ထိ တွေ့ ဆက်ဆံမှု ဖြစ်ပါတယ်။ Oral Sexကို လိင်ဆက်ဆံဖို့ တက်ကြွ စိတ်ပြင်းပြသူတွေက လုပ်ဆောင် လေ့ရှိ ကြပေမယ့် အခုနောက်ပိုင်း တော့ လူ့အသိုင်းအ၀ိုင်းထဲမှာ တွင်ကျယ်တဲ့ ပုံမှန် လိင်ဆက်ဆံမှု ဓလေ့ တခုအဖြစ် ရောက်ရှိလာပြီ ဖြစ်ပါတယ်။ Oral Sex က အကာကွယ်မဲ့တဲ့ လိင်ဆက်ဆံမှု တွေ ထက် တော့ အန္တရာယ်နည်းပါးတယ်ဆိုပေမယ့် Oral Sex ကနေတဆင့် လိင်ဆက် ဆံခြင်းမှ ကူးစက် နိုင်တဲ့ ရောဂါတွေ ကူးစက်ဖြစ်ပေါ်နိုင်ပါတယ်။

Oral Sex မှာ သတိထားရမယ့် အချက်တွေများစွာ ရှိနေပါတယ်။ တတ်နိုင်သမျှ Oral Sex မလုပ် ဆောင် တာ ကောင်း ပေမယ့် မရှောင်နိုင်လို့ လုပ်ကြပြီဆိုရင်တော့ ဆောင်ရန်၊ ရှောင်ရန်တွေကို သိ ထား တာ အကောင်းဆုံးပါပဲ။ ဒီတပတ် လိင်ဆက်ဆံမှုဆိုင်ရာ ပညာပေးအဖြစ် သတိထားသင့်တဲ့ Oral Sex အကြောင်း တင်ပြပေးလိုက်ပါတယ်။

Oral Sex အမျိုးအစား

Oral Sex အမျိုးအစား ၃ မျိုးရှိပါတယ်။ ပထမ အမျိုးအစားကတော့ Oral Sex က အမျိုး သမီး အချင်း ချင်း Oral Sex လုပ်ဆောင်ရင်တော့ Cunnilingus လို့ ခေါ်ပြီး မြန်မာလို ဘာသာပြန်ရင်တော့ အမျိုးသမီးတဦးရဲ့ လိင်အင်္ဂါကို အခြား အမျိုး သမီးတဦးက စုပ်ပေး၊ လျက်ပေးတာပဲဖြစ်ပါတယ်။

ဒုတိယ အမျိုးအစားကတော့ အမျိုးသားအချင်းချင်း Oral Sex လုပ်ဆောင်တာဖြစ်ပြီး ဒါကိုတော့ Fellatio လို့ခေါ်ပြီး မြန်မာလို ဘာသာပြန်ရင်တော့ အမျိုးသားတဦးရဲ့ လိင်အင်္ဂါကို အခြားအမျိုး သား တဦးက စုပ်ပေး၊ လျက်ပေး တာပဲဖြစ်ပါတယ်။ တတိယအမျိုးအစားကတော့ ဆက်ဆံသူ ၂ဦးမှာ တဦး က တဦးရဲ့ စအိုကို စုပ်ပေးလျက်ပေးတာဖြစ်ပြီး ဒါကိုတော့ Analingus လို့ ခေါ်ပါတယ်။

Oral Sex နှင့် စွန့်စားမှု

Oral Sex ကနေတဆင့် လိင်ဆက်ဆံမှုဆိုင်ရာ ရောဂါတွေ ကူးစက်ဖြစ်ပေါ်နိုင်ခြေရှိပါတယ်။ ဆေးသု တေသန ရလာဒ်တွေအရ Oral Sex ကနေတဆင့် ခုခံအားကျဆင်းမှုရောဂါ ရနိုင်ခြေ ၈ ရာခိုင် နှုန်း ရှိတယ်လို့ ဖော်ပြတဲ့ သုတေသန တွေရှိနေသလို Oral Sex ကြောင့် ခုခံအားကျဆင်းမှုရောဂါ ကူးစက် နိုင်ခြေ ၁ ရာခိုင်နှုန်းသာ ရှိတယ်လို့ ဆိုတဲ့ သုတေသန ဖော်ထုတ် ချက် တွေ လည်း ရှိနေပါတယ်။ ဒီလိုသုတေသန ရလာဒ်တွေက မတူညီရတာက သုတေသနပြုလုပ်တဲ့ ပညာရှင် တွေအနေနဲ့ Oral Sex နဲ့ပတ်သက်လို့ အဟန့်အတား၊ အခြေအနေတွေ မတူညီမှုတာကနေ စလို့ ရလာဒ် တွေ ကွဲလွဲ ကုန်တာဖြစ်ပါတယ်။ ဒါပေမယ့် Oral Sex က လူသားတွေ လုပ်ဆောင် လေ့ ရှိတဲ့ လိင်ဆက်ဆံ မှုဆိုင်ရာ အပြုအမူ တခု ဖြစ်လာနေတယ်ဆိုတာကတော့ ငြင်းပယ်စရာ မရှိပါဘူး။ Oral Sex ကနေတဆင့် ခုခံအားကျဆင်းမှုရောဂါ ကူးစက်နိုင်တယ်ဆိုတာ ဖော်ထုတ်ဖို့ ခက်ခဲနေဆဲဖြစ်ပါတယ်။

ဗြိတိသျှအစိုးရ၊ ကျန်းမာရေးဦးစီးဌာနရဲ့ သုတေသန ရလာဒ်တွေအရ Oral Sex က အမျိုးသမီးအင်္ဂါနဲ့ အမျိုးသားအင်္ဂါ ထိတွေ့ လိင်ဆက်ဆံမှုထက်တော့ ပိုပြီး ကျန်းမာရေး အန္တရာယ်ကင်း တယ် လို့ ဆိုပါ တယ်။ ဒါပေမယ့် Oral Sex မှာလည်း ကျန်းမာရေး အန္တရာယ်ဖြစ်စေတတ်တဲ့ အခြေအနေတွေ ရှိနေ ပါတယ်။

တကိုယ်ရေသန့်ရှင်းမှုနည်းတဲ့ သူနဲ့ Oral Sex ဆက်ဆံမယ်ဆိုရင်တော့ ကျန်းမာရေးအန္တရာယ် များလွန်း ပြီး လိင်ဆက်ဆံမှုဆိုင်ရာကုးစက် ရောဂါတွေအပြင် အခြားတကိုယ်ရေသန့်ရှင်းမှု မရှိလို့ ဖြစ်ပွားနိုင်တဲ့ ကူးစက်ရောဂါတွေပါ ရနိုင်ပါတယ်။ ပါးစပ်မှာ အနာတွေ ရှိနေတာမျိုး၊ လိင်အင်္ဂါမှာ အနာတွေ ရှိနေတာမျိုးကလည်း Oral Sex ဆက်ဆံသူတွေကို ရောဂါကူးစက်စေနိုင်ပါတယ်။ ပါးစပ်၊ အာခံတွင်းကို ဆေးကြောတဲ့ သန့်ရှင်းရေး ဆေးရည်တွေက Oral Sex ဆက်ဆံသူတွေအတွက် ဘေး ကင်း စေနိုင်မှာမဟုတ်ပါဘူး။

အမျိုးသမီးအချင်းချင်း Oral Sex ဆက်ဆံတဲ့အခါ ဆက်ဆံတဲ့အမျိုးသမီးက ရာသီလာနေတာမျိုးဆိုရင် ပိုပြီး ကျန်းမာရေးအန္တရာယ်များ လွန်းလှပါတယ်။ အမျိုးသားအချင်းချင်း Oral Sex ဆက်ဆံတဲ့အခါမှာ အမျိုးသားတဦးအနေနဲ့ ကိုယ်ရဲ့ ဆက်ဆံဖော် အမျိုးသားရဲ့ ပါးစပ်ထဲကို သုက်လွှတ်တာမျိုး မလုပ် သင့် ပါဘူး။ တကယ်လို့ ပါးစပ်ထဲကို သုက်လွှတ်လိုက်မယ်ဆိုရင် လိင်ဆက်ဆံမှုဆိုင်ရာ ကူးစက် ရောဂါတွေ ရစေနိုင်ပါတယ်။

လုံခြုံစိတ်ချရမယ့် Oral Sex

ဘေးကင်းလုံခြုံတဲ့ Oral Sex ဆိုတာက တကိုယ်ရေသန့်ရှင်းမှု ရှိသလား၊ လိင်ဆက်ဆံဖော် များ သလား၊ Oral Sex ဆက်ဆံမယ့် ပါးစပ်၊ လည်ချောင်း၊ လျှာတွေမှာ အနာကင်းသလား၊ လိင်အင်္ဂါမှာ အနာတွေ ကင်းသလား စတဲ့ အခြေအနေတွေ ပေါ်မှာ မူတည်နေပါတယ်။

Oral Sex ကနေ ရေယုန်တွေ ကူးစက်နိုင်သလို Chlamydia ၊ Syphilis ကူးစက်ရောဂါတွေ ရနိုင် ပါတယ်။ ဒါ့အပြင် အသည်းအရောင်အသားဝါ ဘီပိုးကလည်း Oral Sex ကနေ ကူးစက်နိုင်ပါတယ်။

Oral Sex လုပ်ဆောင်ဖို့ ဆန္ဒမပါဘူးဆိုရင် အတင်းအကျပ် လုပ်ဆောင်တာ၊ အပျော့ဆွဲနဲ့ သိမ်းသွင်း တာမျိုးတွေမလုပ်သင့်ပါဘူး။ အတင်းအကျပ် လုပ်ဆောင်တဲ့ Oral Sex က လိင်အင်္ဂါနဲ့ ပါးစပ်ကို ထိခိုက်စေနိုင်သလို ဆီးသွားတဲ့အခါ နာကျင်တာမျိုးတွေ ဖြစ်စေနိုင်ပါတယ်။

ဘေးကင်းလုံခြုံတဲ့ Oral Sex ဆက်ဆံချင်တယ်ဆိုရင်တော့ ကိုယ်နဲ့ ကိုယ်ရဲ့ ဆက်ဆံဖော်ရဲ့ လိင်အင်္ဂါ (သို့မဟုတ်) ပါးစပ်တွေမှာ အနာ၊ ဒဏ်ရာ၊ ပွန်းပွဲ့ တာတွေ မရှိဖို့ လိုအပ်ပါတယ်။ ဘာကြောင့်လည်းဆိုတော့ အဲဒီအနာတွေ၊ ဒဏ်ရာတွေ၊ ပွန်းပဲနာတွေကနေတဆင့် ကူးစက်ရောဂါတွေ ၀င်ရောက်လာနိုင်လို့ပါပဲ။ ကိုယ်ရဲ့ လိင်ဆက်ဆံဖော်က လိင်ဆက်ဆံသူ များလွန်းတဲ့သူ ဟုတ်၊ မဟုတ်ဆိုတာလည်း ကိုယ်က သိထားမယ်ဆိုရင် Oral Sex က ဖြစ်လာနိုင်တဲ့ ကူးစက်ရောဂါ အန္တရာယ်တွေကို ကာကွယ်နိုင်မှာ အသေအချာပါပဲ။

From-ဧရာဝတီဘလော့ဂ်

ခေါက်ဆွဲထုပ်ကို အန္တရာယ်ကင်းအောင် ချက်ပြုတ်စားသောက်နည်း

လူအများစုဟာ ရေးနွေးထဲ အဆင်သင့် ထည့်စားရုံ လွယ်ကူတဲ့ ခေါက်ဆွဲခြောက် ထုပ်တွေကို စားသုံးမှု များကြပါ တယ်။ ဒါတွေက ကြာရှည်လည်း အ ထားခံတဲ့အတွက် နောက်ပိုင်းမှာ တဖြည်း ဖြည်း ပိုမိုတွင်ကျယ်လာပါတယ်။

အဆင်သင့် ခေါက်ဆွဲခြောက်ထုပ်( Instant Noddle) တွေကို ဂျပန်ကုမ္ပဏီ တစ်ခုက စတင်ထုတ်လုပ်ခဲ့တာဖြစ်ပါ တယ်။ အဆင်သင့် ခေါက်ဆွဲခြောက်ထုပ် တွေကို နေ့စဉ် စားနေတာဟာ ကျန်းမာရေးကို အန္တရာယ်ပေးနိုင်ပါတယ်။

အကြောင်းကတော့ အာဟာရတန်ဖိုး နည်းပါးပြီး ဆား(ဆိုဒီယမ်)၊ အဆီ၊ အချို မှုန့်၊ အရသာ စတဲ့ အရာတွေ ပါဝင်မှု များတာကြောင့်ပါ။ ဆား(ဆိုဒီယမ်) ပါဝင်မှု များတာ ကြောင့် အဆင်သင့် ခေါက်ဆွဲခြောက် ထုပ်တွေကို နေ့တိုင်းစားရင် သွေးတိုးရော ဂါ ဖြစ်စေနိုင်ပါတယ်။အဲဒီကတစ်ဆင့် နှလုံးရောဂါ၊ လေဖြတ်တာနဲ့ ကျောက် ကပ်ထိခိုက်တာတို့ ဖြစ်တတ်ပါတယ်။

အ ရွယ်ရောက်သူနဲ့ လေးနှစ်ကျော်တဲ့ က လေးတွေရဲ့ တစ်နေ့မှာ ဆိုဒီယမ် စားနိုင် တဲ့ ပမာဏက ၁၅၀ဝ မီလီဂရမ်ဖြစ်ပြီး ပျမ်းမျှအားဖြင့် ခေါက်ဆွဲထုပ်တစ်ထုပ် မှာ ပါဝင်တဲ့ ဆိုဒီယမ်က ၂၇၀ဝ မီလီဂ ရမ်ဖြစ်ပါတယ်။ ခေါက်ဆွဲ ခြောက်ထုပ်မှာ ပါဝင်တဲ့ ဆီဟာ ချက်ပြုတ်စားသောက်နည်း မမှန် ရင် ကင်ဆာဖြစ်စေနိုင်ပါတယ်။

အချိုမှုန့် (Flavour) ပါဝင်တာကြောင့် သွေးတိုးရော ဂါနဲ့ တခြားရောဂါဝေဒနာတွေကို ဖြစ်စေ နိုင်ပါတယ်။ အရသာ (Junk Food ) အဖြစ် အမဲ သားအနံ့၊ ပင်လယ်စာအနံ့ စတာတွေကို ထည့်သွင်းထားကာ ထုတ်လုပ်တဲ့ ကုမ္ပဏီ ပေါ်မူတည်ပြီး အမျိုးအစား မတူပေမယ့် အများအားဖြင့် အန္တရာယ်ရှိပါတယ်။

ခေါက်ဆွဲထုပ်ကို အများကြီး စား ရင် အစာမကြေဖြစ်တတ်ပါတယ်။ ခေါက် ဆွဲထုပ်ကို အဆင်သင့်အစာ (Junk Food) အဖြစ် ကျန်းမာရေးနဲ့ မညီညွတ် တဲ့ အစာလို့ ဝေဖန်ကြပါတယ်။ ခေါက် ဆွဲထုပ်တစ်ထုပ်မှာ ကာဗိုဟိုက်ဒရိတ်နဲ့ အဆီပါဝင်မှု များပေမယ့် အမျှင်ဓာတ်၊ ဗီတာမင်နဲ့ သတ္တုဓာတ်တွေ ပါဝင်မှုက လျော့နည်းပါတယ်။

ခေါက်ဆွဲထုပ်ကို အန္တာရာယ်ကင်းအောင် ချက်ပြုတ်စားသောက်နည်း

ခေါက်ဆွဲထုပ်ကို ဖောက်ပြီး ခေါက် ဆွဲတွေကို အရင်ဆုံး ရေနွေးထဲ ထည့် ပြုတ်ပါ။ ပြီးရင် ရေကို သွန်ပစ်လိုက်ပါ။ ဒါဆိုရင် ခေါက်ဆွဲတွေ မကပ်ငြိအောင် ကာကွယ်ပေးတဲ့ ဖယောင်း (Wax)ကွာ ကျသွားပါ လိမ့်မယ်။ ပြီးမှ ဟင်းအရည်နဲ့ စားချင်ရင် ရေနွေး ထပ်ထည့်ရပါမယ်။ ခေါက်ဆွဲကျက်မှ ဆီ၊ ဆား စတဲ့ ပါဝင်တဲ့ အရသာအမှုန့်တွေကို ထည့်ပေးရမှာ ဖြစ် ပါတယ်။
ဒီနည်းက လုံးဝ အန္တရာယ်ကင်း တာတော့ မဟုတ်ပါဘူး။ အရင်က လူအ များစုဟာ ရေနွေးပြုတ်ထဲ ခေါက်ဆွဲနဲ့ ပါဝင်တဲ့ ပစ္စည်းတွေ အကုန်ထည့်ပြီး ခေါက်ဆွဲကျက်ရင် စားလေ့ရှိကြပါတယ်။ ဒီနည်းနဲ့ စာရင် အခုပြောပြတဲ့ ချက်ပြုတ် နည်းက အန္တရာယ် ပိုလျော့ပါးသွားတာ ဖြစ်ပါတယ်။

နောက်တစ်ချက်က လတ်ဆတ်တဲ့ ဟင်းသီးဟင်း၇ွက်တွေ ထည့်ပြီး ပြုတ်စားရင် ခေါက်ဆွဲထုပ်မှာ ပါဝင်မှု နည်းတဲ့ အမျှင်ဓာတ်၊ ဗီတာမင်နဲ့ သတ္တုဓာတ် တွေကို ရရှိစေနိုင်တာကြောင့် ကျန်းမာ ရေးအတွက် ကောင်းပါတယ်။

အန္တာရယ်ကင်းချင်ရင် ခေါက်ဆွဲ ထုပ်ကို နေ့တိုင်း မစားသင့်ပါဘူး။ တစ်နေ့ သုံး-လေးထုပ်စားတာကို ရှောင်ရပါမယ်။ ကြိုက်လို့ စားချင်ရင် သုံးရက်ကြာမှ တစ် ထုပ်လောက်ပဲ စားပါလို့ ပြောချင်ပါတယ်။

ဒေါက်တာဦးကိုကို
by Good Health

ပုံမှန် ချစ်တင်းနှီးနှောခြင်းဟာ ကျန်းမာပျော်ရွှင်တဲ့ဘ၀ကို ပိုင်ဆိုင်စေနိုင်

ပုံမှန် ချစ်တင်းနှီးနှောလေ့ရှိသူတွေဟာ ပုံမှန် ချစ်တင်းနှီးနှောလေ့ မရှိသူတွေထက် ပိုပြီး ကျန်းမာရေး ကောင်းမွန်နိုင်တယ်လို့ လေ့လာမှုတစ်ခုက အခိုင်အမာ ဆိုလိုက်ပါတယ်။

ကန်းဘရစ်ခ်ျ တက္ကသိုလ်က ပြုလုပ်ခဲ့တဲ့ စစ်တမ်းကောင်ယူ လေ့လာမှုတစ်ခုဟာ ဇနီးမောင်နှံတွေကို အိပ်ရာဝင်ချိန် ပိုမိုရှိသင့်တယ်ဆိုတာကို အကြံပေးနိုင်ခဲ့ပါတယ်။

သုတေသီတစ်ယောက်ဖြစ်တဲ့ ဒေါက်တာ Nick Drydakis ဆိုသူဟာ ဂရိလူမျိုး အယောက် ၇၅၀၀ ရဲ့ နေ့စဉ် လိင်ပိုင်းဆိုင်ရာ ဘ၀တွေနဲ့ သူတို့ရဲ့အလုပ်အကိုင် အခြေအနေတွေကို စစ်တမ်းကောက်ယူပြီး သုတေသန ပြုလုပ်ခဲ့ပါတယ်။

အဲဒီအခါမှာတော့ ပုံမှန် ချစ်တင်းနှီးနှောလေ့ ရှိသူတွေဟာ ပိုမို ကျန်းမာပျော်ရွှင်တဲ့ ဘ၀တွေကို ပိုင်ဆိုင်ကြတာကို တွေ့ခဲ့ရပါတယ်။ ဒါဟာ အသက် ၂၆ နှစ်နဲ့ အသက် ၅၀ ကြားရှိသူတွေနဲ့ ကျန်းမာရေး ပြသနာရှိနေသူ ဇနီးမောင်နှံတွေ အတွက် ပိုပြီး သက်ရောက်မှု ရှိစေနိုင်ပါတယ်။

Manpower ဆိုတဲ့ အပြည်ပြည်ဆိုင်ရာ ဂျာနယ်တစ်ခုမှာ ထိုလေ့လာမှုကို ဖော်ပြခဲ့သလို ချစ်တင်းနှီးနှောခြင်းဟာ ကျန်းမာရေးအတွက် ဖိအားတိုင်း ကိရိယာတစ်ခု ၊ ဘ၀ရဲ့ အရည်အသွေး ၊ ကျန်းမာစွာ နေထိုင်ခြင်း နဲ့ ပျော်ရွှင်မှု ဖြစ်တယ်လို့ ဖော်ပြခဲ့ပါသေးတယ်။

အာရောဂျံ
Credit - Trends Myanmar

အမျိုးသားများတွင် လိင်စိတ် လျော့နည်းရခြင်း

အမျိုးသား တွေမှာ ရောဂါ ဝေဒနာ ခံစား ရတာနဲ့ ဆေးကုသမှု ခံယူရတာ တွေကြောင့် လိင်စိတ်လျော့ နည်းမှု ဖြစ်တတ် ပါတယ်။

အမျိုးသား တွေမှာ လိင်စိတ် ဆန္ဒလျော့ နည်းမှု ဖြစ်စေတဲ့ အကြောင်းရင်း တွေက အောက်ပါ အတိုင်း ဖြစ်ပါတယ်။

- ပန်းသေ ပန်းညှိုးရောဂါ

ပန်းသေတာ ဒါမှမဟုတ် ပန်းသေ ပန်းညှိုး ရောဂါဟာ လိင်စိတ် လျော့နည်း တာနဲ့ မတူပါဘူး။ လူငယ် ခုနစ်ရာခိုင်နှုန်း ကသာ ပန်းသေ ပန်းညှိုး ဖြစ်တတ် ကြပါတယ်။ ပန်းသေ ပန်းညှိုး ရောဂါက အသက်ကြီးလာ လေလေ၊ ဖြစ်နိုင်ခြေ ပိုများ လေလေပါ။ အသက် ၄၀ အရွယ်မှာ ပန်းသေ ပန်းညှိုးဖြစ်နိုင် ခြေ ၁၂ ရာခိုင်နှုန်း၊ အသက် ၅၀-၅၉ နှစ်အရွယ်မှာ ရောဂါ ဖြစ်နိုင်ခြေ ၁၈ ရာခိုင် နှုန်းနဲ့ အသက် ၆၀ ကျော် အရွယ်မှာ ရောဂါဖြစ် နိုင်ခြေ ၂၅-၃၀ ရာခိုင်နှုန်း အထိ သိသိသာသာ မြင့်တက်လာ ပါတယ်။ ပန်းသေ ပန်းညှိုးရောဂါနဲ့ စိတ်ဖိစီးမှုက အပြန်အလှန် ဆက်နွှယ် မှုရှိပြီး လိင်စိတ်လျော့ နည်းမှုကို ဖြစ်စေနိုင်ပါတယ်။ သတင်းကောင်း အနေနဲ့ ပန်းသေ ပန်းညှိုး ဖြစ်ရတဲ့ အကြောင်းရင်းပေါ် မူတည်ပြီး ဆေး ကုသမှု ခံယူနိုင် ပါတယ်။

- ပူပင်သောကများလွန်းခြင်း

အမျိုးသားတွေမှာ ပူပင်သောက များလွန်းတဲ့ အခြေအနေကြောင့် သုက်လွှတ် စောတာမျိုး ဖြစ်တတ် ပါတယ်။ အဲဒီလို ဖိအားများတဲ့အခါ လိင်စိတ်လျော့ နည်းမှု ဖြစ်ပေါ် တတ်ပါတယ်။

- စိတ်ဖိစီးမှုများခြင်း

လုပ်ငန်းခွင် စိတ်ဖိစီးမှု များပြီး စိန်ခေါ် လုပ်ကိုင်ရ တဲ့အခါ အောင်မြင်အောင် မလုပ်ဆောင် နိုင်ရင် အမျိုး သားတွေက ကိုယ့်ကိုယ်ကိုယ် လေးစား စိတ်လျော့နည်း လာပါတယ်။ ဒီအတွက် ကြောင့်လည်း အိမ်ထောင် ရေးမှာ မသာယာတဲ့ အဖြစ်မျိုး တွေ့ကြုံ နိုင်ပါတယ်။

- ကျန်းမာရေး အခြေအနေ

အမျိုးသား တွေမှာ နာတာရှည် ရောဂါ ဝေဒနာ တွေကြောင့် လိင်မှုဘဝကို ထိခိုက်စေနိုင် ပါတယ်။ ကင်ဆာနဲ့ စိတ်ကျ ရောဂါတို့လို ပြင်းထန်တဲ့ နာမကျန်း မှုတွေကြောင့် လိင်စိတ်ကို လျော့ကျ စေနိုင်ပါတယ်။ နှလုံးသွေး ကြောရောဂါ၊ သွေးတိုး ရောဂါနဲ့ ဆီးချိုရောဂါ တွေကြောင့် မျိုးပွား အင်္ဂါအပါအဝင် ခန္ဓာကိုယ် အစိတ်အပိုင်း အားလုံး ဆီကို သွေးရောက် ရှိမှု လျော့နည်းသွား ပြီး လိင်စိတ်လျော့နည်း စေပါတယ်။ အရက်စွဲ တာနဲ့ အရက်ကို အလွန်အမင်း သောက် သုံးတာ ကြောင့်လည်း လိင်ဆန္ဒကို လျော့ပါး စေပါတယ်။ သိုင်းရွိုက် ပြဿနာနဲ့ ပီကျူထရီဂလင်း အကျိတ် ရှိတာ ကြောင့်လည်း လိင်စိတ်ကို လျော့ကျ စေပါတယ်။

- ဆေးကုသမှု

စိတ်ကျဝေဒနာ ကုသဆေး SSRI ဟာ လိင်စိတ်ကို ဟန့်တားနိုင်သလို သွေးတိုးကျဆေး ကလည်း လိင်စိတ်ကို လျော့ကျ စေပါတယ်။ မူးယစ် ဆေးတွေ သုံးရင်လည်း လိင်စိတ်ကို လျော့ကျ စေပါတယ်။

- အိမ်ထောင်ရေး အဆင်မပြေခြင်း

မပျော်ရွှင်တဲ့ အိမ်ထောင်ရေး အခြေအနေကြောင့် အမျိုးသား တွေမှာ လိင်စိတ်လျော့နည်းမှု ဖြစ်ရသလို အိပ်ခန်း ထဲကို ဒေါသနဲ့ စိတ်ပျက်လက်ပျက် ဖြစ်ကာ စိတ်ကုန်တဲ့ အတွေးတွေ ယူဆောင် သွားတာကြောင့် လိင်စိတ်လျော့နည်း ရတတ်ပါတယ်။

- မွေးကင်းစ ကလေးငယ် ပြုစု စောင့်ရှောက်ရခြင်း

တချို့ အမျိုးသားတွေ အတွက် ကလေးငယ်မွေး ဖွားပြီးနောက် လိင်ဆန္ဒအတွက် အဟန့်အတား ဖြစ်လာ ပါတယ်။ မွေးကင်းစ ကလေးငယ်ကို ပြုစုစောင့် ရှောက် ရတဲ့အတွက် ပင်ပန်းမှုကြောင့် လိင်စိတ် လျော့နည်း ရတတ် ပါတယ်။

ကေအမ်
Myawady News

အပှုဒဏ်ကြောင့် ခေါင်းကိုက်နေသလား

- နေပူဒဏ်၊ အပူအအေး ပြောင်းလဲ မှုနဲ့ အနေအထိုင် မှားယွင်းမှု တို့ကြောင့် မကြာခဏ ခေါင်းကိုက် တတ်သူတို့ အတွက် ဝေဒနာ သက်သာစေမယ့် သဘာဝ နည်းတွေကို ရေးသား လိုက်ရပါတယ်။

- ငြိမ်သက်ပြီး မှောင်တဲ့ အခန်း တစ်ခန်း ထဲမှာ အနားယူပါ။ ဒါဆိုရင် ညဘက်မှာ အိပ်ရေးဝဝ အိပ်မောကျ ပါလိမ့်မယ်။

- ပခုံးနဲ့ လည်ပင်းရှိ ကြွက်သားတွေကို နှမ်းဆီလိမ်းကာ စက်ဝိုင်းပုံစံအတိုင်း ညင်ညင်သာသာ နှိပ်နယ်ပေးပါ။ ပြီးရင် ကြက် သီးနွေးရေနဲ့ ရေချိုးပါ။

- ခေါင်းနာကျင်ကိုက်ခဲမှု သက်သာစေဖို့ အပူကုထုံးကို သုံးပါ။ ရေနွေးအိတ်ကို တဘက်နဲ့ပတ်ပြီး ခေါင်းပေါ် ခဏကပ်ပေးပါ။

- ယောဂလေ့ကျင့်ခန်း၊ အသက်ပြင်း ပြင်းရှူသွင်း ရှူထုတ်တဲ့ လေ့ကျင့်ခန်း၊ အ နားယူတဲ့ လေ့ကျင့်ခန်းတွေကို လုပ်ပါ။

- စားပွဲ၊ ကွန်ပျူတာထိုင်ခုံမှာ အလုပ် လုပ်ရသူဖြစ်ရင် မကြာခဏ ထရပ်ပြီး လမ်းလျှောက်ပေးပါ။ ဒါမှသာ လည်ပင်း နဲ့ ပခုံးရှိ တင်းအားတွေ လျော့ပါးသက် သာသွားပါလိမ့်မယ်။

- ပုံမှန် မျက်စိစစ်ဆေးမှု ပြုလုပ်ပါ။

- သင့်တော်တဲ့ အာဟာရ၊ လေ့ကျင့် ခန်းနဲ့ အကောင်းမြင်တဲ့ အတွေးတွေ ရှိ ရင် ခေါင်းကိုက်ဝေဒနာမဖြစ်အောင် ကာကွယ်နိုင်ပါတယ်။

- အယ်လ်ကိုဟောနဲ့ ကဖင်းအလွန်အ မင်းသောက်တာကို ရှောင်ပါ။ ဆေးလိပ် မသောက်ပါနဲ့။

- အနီရောင်အသားနဲ့ အဆီအအိမ့်တွေ ကို တတ်နိုင်သမျှ လျှော့စားပါ။

- ချင်းပြုတ်ရည်က ထွက်လာတဲ့ အငွေ့ ကို ရှူရှိုက်ပေးရင် ခေါင်းကိုက်ဝေဒနာကို သက်သာစေပါတယ်။

- နံနက်တိုင်း ပန်းသီးတစ်လုံးကို ဆား နည်းနည်းနဲ့ တို့ပြီး စားပေးရင် ခေါင်း ကိုက်ဝေဒနာ သက်သာစေပါတယ်။

မိဖုရား
Credit : yoyarlay